انامش اخوانجى انا مزازنجى تربية دقن وتحديدها
وبصوم وبذكى وبصلى كدا كل صلاتى فموعيدها
وان فاتت مره صلاه منى مبفوتهاش لازم اعيدها
انا مش اخوانجى انا عادى بتفرج على سينما ومسرح
وبحب الاهلى فالكوره ولما بيغلب لازم افرح
ولاعمرى فيوم قلت تشدد على رب الكون انا سيبها
انامش اخوانجى انا مزازنجى تربية دقن وتحديدها
لوحد فيوم قلى ياشيخنا ايه يزعلنى دى الدقن وقار
ولا عمري فيوم افتيت فالدين ولاقلت فلان هيروح الجنه والتانى هيروح النار
طول عمرى فحالى كدا عايش بالضحكه حياتى مجددها
انامش اخوانجى انا مزازنجى تربية دقن وتحديدها
تلاقينى الصبح مع جرجس اخوات واصحاب
واحمد ومحمد مع مينا والباب فالباب
لسمعنا فيوم عن فتنه ولاحتى احزاب
الحزب بتاعنا اسمو القهوه وان جات الفتنه نكدبها
انامش اخوانجى انا مزازنجى تربية دقن وتحديدها
ليست هناك تعليقات:
إرسال تعليق
مدونة الشاعر اسلام على حسن