طبعا الكلام ده يعتبر ذكريات بس انا كتبته يوم مظاهرات 6ابريل 2008 انا عارف
انو مش وقتها بس ياريت تقولو رايكم بصراحه (اسلام على حسن)
امشى و اسيبك يابلدى امشى واسيبك لمين
امشى واسيب حلم عمرى ولا حب السنين
مش قادر اعيش وناسك عالظلم كدا ساكتين
ايام واهى بنعيشها واهى ماشيه كدا وخلاص
سايبين مصيرنا لغيرنا والحق بينا انداس
سايبين مصيرنا لغيرنا والحق بينا انداس
سايبك يابلدى وخايف اصلى هاروح على فين
امشى و اسيبك يابلدى امشى واسيبك لمين
الدنيا ضاقت بيا والظلم فكل شارع
بداءو يهدو الكنائس بداءو يزيلو الجوامع
وكبيرنا لوحده هايص نصرخ ولا حد سامع
وكل ما افكر ابعد بيجبنى ليكى حنين
امشى و اسيبك يابلدى امشى واسيبك لمين
امشى واسيب حلم عمرى ولا حب السنين
امشى واسيب حلم عمرى ولا حب السنين
مش قادر اعيش وناسك عالظلم كدا ساكتين
عارفه يابلدى وغلاوتك انا نقسى ابنى فيكى
نفسى اعمر صحارى وازرعلك اراضيكى
نفسى اكسر كل دمعه فقلب شباب حزين
نفسى اكسر كل دمعه فقلب شباب حزين
امشى و اسيبك يابلدى امشى واسيبك لمين
يامصر ياام الدنيا شفنا فيكى العجايب
قولها قتل زعيمنا وقال دا حقو غايب
بعدين قعد ععرشك يقتل فناس تانيين
امشى و اسيبك يابلدى امشى واسيبك لمين
عباره قالو السلام وقتلت ناس كتير
وهو فشرم عايش مع خطة التغير
والحكم فالقضيه سمعنا كلام كتير
حقوق موتانا ضاعت ويقولو مصر بخير
والحكم فالقضيه سمعنا كلام كتير
حقوق موتانا ضاعت ويقولو مصر بخير
ياناس حرام عليكم ماتقلش كدا فالدين
امشى و اسيبك يابلدى امشى واسيبك لمين
امشى و اسيبك يابلدى امشى واسيبك لمين
حق البمبوطى ضاع بسلاح امريكى طايش
واهله قعدو يبكو والقاتل بينا عايش
قاتل فرط فحقه وكتير حقوق تانيين
امشى و اسيبك يابلدى امشى واسيبك لمين
واهله قعدو يبكو والقاتل بينا عايش
قاتل فرط فحقه وكتير حقوق تانيين
امشى و اسيبك يابلدى امشى واسيبك لمين
ياسلام على اللى كان لما قالو انو مات
وانتشرت فالجرايد وقالو دى اشاعات
وفجاءه ظهر بامرو بحملة اعتقالات
وفجاءه ظهر بامرو بحملة اعتقالات
اعتقلو شباب غلابه اعتقلو صحفيين
امشى واسيبك يابلدى امشى واسيبك لمين
الطفل فالشوارع نايم على الرصيف
وسوزى عامله مامته تتكرم فجنيف
وهو فجوعه نايم لكن نايم خفيف
وسوزى عامله مامته تتكرم فجنيف
وهو فجوعه نايم لكن نايم خفيف
نايم يحلم باكله لوحتى ياناس رغيف
يصحى يفكر فبكره بالدمع والانين
امشى واسيبك يابلدى امشى واسيبك لمين
من كتر السرقه فيكى يامصر دمروكى
العيش فطابور كبير ويا لحمه خصخاصوكى
دول ناس عايشين ياعينى ناويين يخربوكى
ولما نطالب بحاجه يقولو كدابيين
امشى واسيبك يابلدى امشى واسيبك لمين
وفيوم سته ابريل ناسك يابلدى فاقت
وقفو وقفه برجوله ومحدش يومها ساكت
وقفو يطلبو بحقوقهم بس حقوقهم دى ماتت
بالنار نزلو علينا وقنابلهم مسيله
والدمع مالى عنينا ودا كلو فيوم وليله
مسكو شباب كتير ومفيش فاليد حيله
وقالو دا ارهاب وقالو دول مجانين
على راسهم اسراء وباتو معتقلين
امشى واسيبك يابلدى امشى واسيبك لمين
امشى واسيب حب عمرى ولا حلم السنين
مش قادر اعيش وناسك عالظلم كدا ساكتين
امشى واسيب حب عمرى ولا حلم السنين
مش قادر اعيش وناسك عالظلم كدا ساكتين
eslam cabo تحيه للمناضله مثال البنت المصريه الانسانه اسراء عبد الفتاح
كلام جميل اوى ربنا يكرمك انت موهوب بجد
ردحذف