$$تمن الدم$$

تمن الدم بدم أكيد

وأنا مش خايف اصلى عنيد

بردو مش انت اللى تخوفينى

مانتا اساسآ لوتعرفنى

 كنت هربت من الاتباع

جيش اتباعك مش هيفيد

تمن الدم بدم اكيد

أنا طول عمرى ضد الظلم

رافض انى اعيش بخضوع

وانت توطى تبيع الحلم

حلم الثوره مفيهش ركوع

 بس مابينى وبينكم فرق

عيشتى انا حر وانتو عبيد

تمن الدم بدم اكيد

وانا مش خايف اصلى عنيد

بعد الثوره بقينا فلول

واللى يعارض يصبح كافر

بعد سنين من اكل الفول

شفت الفقراء فجوعها تعافر

ياللى اخدتو رغيف العيش

 بعد الحكم طلعتو مفيش

 واللى حاكمنا واحد مختل

كلب المرشد عبد السيد

يعشق ذله وبوس الايد

تمن الدم بدم اكيد

وانا مش خايف اصلى عنيد

تعالو ياشهدا من تانى

ياجابر قوم وجيب مينا وجيب عفت وهاتو الجندى وتعالو

وشوفو وطنا ايه جرالو

تعالو اتحسرو ع حالو

وشيلو ترابنا من فوقكم

تعالو طالبو بحقوقكم

تعالو معانا يوم تلاتين

نشيل الطين 

نخلى بلدنا دى بساتين

ونحميها ونزرع وردكم فيها

نحط بلدنا على راسنا نعليها

ونطرد شلة الاوباش 

وننسى عهد مرسى خلاص كانو مجاش

ونحصد زرع ثورتنا

ولاحاجه تموتنا

ولافرقه تشتتنا

نجيب حق الفقير بينا

يعيش الدنيا دى جنه

وينسى الدنيا بعبلها واحوالها 

وينسى الجوع ولا عمره يبات موجوع 

وتبقى الثوره حاجه جميله فى حياته

يعلق صورة الشهداء ويتباهى بناس ماتو

عشان هو بفرحه يعيش 

ميتزلش عشان العيش 

ويحكى علينا لعيالو

يا #جابر قوم وجيب #مينا وجيب #عفت وهاتو #الجندى وتعالو

واعتبره تهديدى

لاهاممنى اتباعك

ولاحتى ملكوتك

لوتيجى ع الاحرار

تبقى حابب موتك

واعتبره بقا تهديد

وهقول واعيدها وازيد

كفينى بسكوتك

يازبالة الدنيا ياطفح طين الارض

ياعشيرة الاوباش موتكم خلاص بقا فرض

يالى انتهكتو العرض

يوم نزلتى تلاتين 

لاهينفعك حراس 

ولاينفعك اسوار

بينى وبينك طار

والطار دا دم شهيد

من يومه كان خالد

فرحان فجنه سعيد

وانت ضعيف وجبان

 وطى كمان وكمان واكتم كمان صوتك

لاهاممنى اتباعك

ولاحتى ملكوتك

يالى اقتلت الحلم فان حق يعود

يالى نسيت الرب ربك اكيد موجود

بكره تشوف الذل وللسجون هتعود

ولاينفعك اتباع ولاحتى جبروتك

لوتيجى ع الاحرار

تبقى حابب موتك

رساله من دومه الى مرسى

دقق فى قفص الحبس وبص مين جواه

بص ع سور القصر وقولى مين عالاه

دا حبسي حريه ولوحدى مش خايف

وانت ضعيف وجبان وعاملى مش شايف

يوم نزلة الثوار

راح تركع الاسوار

وهيكتبو الاحرار بالدم حكايتهم

قولنا الزمن دوار

 قبلك ماشفنا طغاه

وكتبو نهايتهم

كانو كما الفراعين

قادرين وكانو عارفين

الدنيا اخرتهم

وانت لازم تعرف انا احنا موتنا حياه

 دقق فى قفص الحبس وبص مين جواه

بص ع سور القصر وقولى مين عالاه

وفيومك المعلوم 

كل البشر هتقوم

تشهد على نهايتك

ومصيرك المحتوم

انك تشوف اليوم

انت ورجالتك

ربك يامرسى بيه

مابيضحكش عليه

لاهينفعه التبرير

ولاجيش بغال وحمير

بيحامو لسيادتك

ربك ياعبدالله

قادر يزيل الجاه

 دقق فى قفص الحبس وبص مين جواه

 ركز فى سور القصر وقولى مين عالاه 

حنين حنون ضحية الاخوان

وهرجع تانى للشارع ومش راح اخاف

هثور ضدك فى كل مكان مابينا خلاف

انا عايزه حقوق شهدا سلاحى هتاف

وانت جاى بعشيرتك تبيع بلدى وحربك ضدى دى استنزاف

فمش راح اخاف

وهنزل اقول تمرد ضد كل الظلم

دا مش معقول تكون الثوره كانت حلم

ونصحى نلاقى ثورتنا بشمعه فى ضلمه او كشاف 

فهرجع تانى للشارع ومش راح اخاف

عشريتك كلها خايفين

ومش عرفين انا اكون مين

انا النيل اللى صوته حزين 

وحكمك قاطع الشريان

انا جابر وانا جيكا وانا الزنازين

وانت بتحمى كل جبان

فمتقولشى عليا انامين

انا الاحرار فى كل مكان

وبكره هكون ميزان العدل والانصاف

ومش راح اخاف

انا مش طفله برياله يامولانا

كفايه ذل واهانه

ولما تحب تخرسنى

متبعتليش جموع حرافيش 

عايز تخرسنى تقتلنى

ياتحضرلى زنانه



دا اللى يهزه صوت طفله ضعيف خواف