امشى واسيبك يابلدى

اامشى واسيبك يابلدى
امشى واسيبك لمين

امشى واسيب حلم عمرى

 ولاحب السنين
مقدرش اعيش وناسك

عالظلم كدا ساكتين
امشى واسيبك يابلدى 

امشى واسيبك لمين
فاكر يابلدى

 لماكنت صغير زمان

واحلام الطفوله

 وبيت بنت الجيران
فاكر كلام ابويه 

عن عظمة الاوطان
وكل مافكر امشى

 بيجبنى ليكى حنين
امشى واسيبك يابلدى

..امشى واسيبك لمين
صعبان عليا حالى

 وحال كل الشباب
الظلم ميزانو عالى

 والعدل ميزانو غاب
شباب سهرت ليالى

 نامت فوق الكتاب

ولاوصلو لاى حاجه

 واهى عدت السنين
امشى واسيبك يابلدى

امشى واسيبك لمين
والله يابلدى وغلاوتك

 شفنا فيكى العجب
فيكى ناس مش لاقيه

 تاكل وناس تلبس دهب
وناس ماشيه وتايهه

 ومش عارفه السبب

وناس وكلاها والعه

 من قوت ضعاف مسكين
امشى واسيبك يابلدى

امشى واسيبك لمين
امرك غريب يابلدى 

وفيكى حاجات كتير

من احداث الدويقه

 لخطة التغير
وناس تلبس قواضى

 وناس تلبس حرير

وشباب تهرب فمركب

 راحو ومش راجعيين
امشى واسيبك يابلدى

امشى واسيبك لمين

..........

من Eslam Ali Hassen‏ 

في 24 يوليو، 2010‏،

 الساعة 12:49 صباحاً‏‏

مصر النهارده

مصر النهارده بنحلم ببكره

وفعقولنا فكره لحاضرجديد

مصر النهارده ياعالم يابكره

. وبتزيد اهاتنا عدم الشهيد

ودايما فبالنا وساكن خيالينا

 حكايتك يااخونا ياخالدسعيد
 مصرالنهارده بنحلم ببكره

وفعقولنا فكره لحاضرجديد 
مصر النهارده

ياعالم يابكره.

وبتزيد اهاتنا على دم الشهيد

 .ياخالدعشان خلودك

 اكيد دى بدايه لثوره ياخالد
 لحاضرسعيد  
سكتناكتير سكوتنا قتلنا

 لغينا الضمير

 وماتت عقولنا                                                                                                                                             وصوت صمت موتك

 دا زى النشيد

 يردد ويهمس

 يقول من بعيد

 سكتو النهاره على ظلم ظالم

 وبكره بسكوتكم بظلمو يزيد     

 مصر النهارده بنحلم ببكره

 وفعقولنا فكره لحاضره جديد

 مصر النهارده

 ياعالم يابكره

. وبتزيد اهاتنا على دمالشهيد 

 طب ازاى هنحلم وهيجلنا نوم

 ومركبنا غارقه فبحر الهموم    

.وياريتنا حتى نحاول نعوم

رضينا بغرقها واعصابنا بارده

مصر النهارده بنحلم ببكره

 وفعقولنا فكره لحاضرجديد

مصر النهارده ياعالم يابكره

وبتزيد اهاتنا عدمالشهيد

هذه الكلمات الى اخى الذى لم تلده امى الى من كان شراره للثوره المصريه واهديها لامى وامه ام الشهيد،،،خالد سعيد رحمه الله ادعو له بالرحمه من فضلكم

اخوك :

اسلام على حسن