الأربعاء، 23 أكتوبر 2013

مريم

مرسلة بواسطة في ليست هناك تعليقات:

الثلاثاء، 8 أكتوبر 2013

#ماسبيرو

شبه عباده

والقائد عسكرى ببياده

دهس البسمه وقتل الحلم

#ماسبيرو دى حكايه ياساده

دى حكاية مينا دانيال

ويا رفاقه قالو حريه

جالهم ظالم دهس الحق

من جوا مدرعه حربيه

واحنا فيومها كتمنا الصوت

ورضينا باوامر القاده

شبه عباده

طنطاوى قتلهم ببرود

عارف ان الدم رخيص

قالك هما اتعدو حدود

يالا ياجندى اقتل هيص

بحر الدم خلاص ممدود

مين هيحاسبك كلو حماده

والله ياناس كان شبه عباده

والقاتل عسكري ببياده

مجلسكم كان مجلس عار

كان يكره كلمة ثوار

 قتلو الفكره فقلب الشعب

عريتم ست الاحرار

والتكريم على جثه قلاده


مرسلة بواسطة في ليست هناك تعليقات:

الخميس، 26 سبتمبر 2013

رساله لشهيد



خدوك منى 

وفاكرينى هسيب حقك

وفاكرينى كمان راح اخاف

واخاف من ايه

شهيد واجبك ومت عشان تحمينا

شهيد الغدر والارهاب 

وفالجنه اكيد هتكون رفيق خالد رفيق مينا

ملاك فالجنه بتغنى

خدوك منى

خدوك منى 

ومش عارفين

بانك انت نبض الروح

بانك لسه جوايا اكيد عايش

ولاهامننى سلاح غادر رصاص طايش

ونفسي اموت واروح عندك 

ماهو انت عيونى والننى 

خدوك منى

خدوك منى

لكن ماخدوش

بشوفك صوره ملو وشوش

وشوش اطفال بضحكتها تهز البيت

وشوش كانت بتحضنى فيوم مابكيت

وشوش الناس وبكائها وزعلها عليك

وشوش بتحس بتاآنى

مرسلة بواسطة في ليست هناك تعليقات:

الأربعاء، 11 سبتمبر 2013

دولة العواجيز

يادولة العواجيز ارحلى
ورحلى 
وغيري وبدلى

وانفضى كل التراب

هاتى يالا شباب جديد

اللى قام بالثوره هوا 

اللى يحكمنى ولى

وارحلى

بدلى كل الوشوش

دارى عيبك والرتوش

دى الوشوش كفياها شد

بعد ثوره كان لابد

ان ليلك ينجلى

فارحلى

مش هنرضى بظلم تانى

بكفيانا دم راح

واللى ناوى يعيد نظامه

يبقى عبطه بمخه طاح

اللى جاي للشباب 

فاستحملى

او ترحلى
مرسلة بواسطة في ليست هناك تعليقات:

الخميس، 22 أغسطس 2013

اسلاميه اسلاميه

اسلاميه اسلاميه

حلل دمى واقتل فيا

اسلاميه اسلاميه

اكتم صوت بيقول حريه

لو شايف نفسك اسلامي

وبايدك تحكم ع الناس

احكم على نفسك قدامى

ومتحكيش فكلام وخلاص

عندك نقص فدينك ممكن

متعوضش النقص دا فيا

وتيجي تقولى اسلاميه

عايز تفهم ايه الاسلام

الاسلام يعنى يعنى الوسطيه

يعنى تحب لغيرك زيك

مش تقعد تشتم فى الناس

يعنى تخلى الكل يحبك

تبنى الحكم بالف اساس

مش تظلم وتقول شرعيه

اسلاميه اسلاميه

اوعى تعوض نقصك فيا

اسلاميه اسلاميه

 بعت الدم  بسوء النيه

اتكلمتو باسم الدين

 بس الدين ملهوش فى العك

وعملتو زى المجانين

فجاءه الواحد فيكم شك

واللى يشكك يبقى ضحيه 

اسلاميه اسلاميه

مرسلة بواسطة في ليست هناك تعليقات:

الأربعاء، 31 يوليو 2013

ياعم مش كفار

ياعم لاانت الدين

 ولا احنا ناس كفار

ولافايديك الجنه

 ولاغفير النار

فسيب خلاص دينى

 وقولى دينك ايه

ازاى تحلل دم

 وتقولى شرع يابيه

اللعبه مفهومه 

وبانت الادوار

وعرفنا مين خاين

ومين من الثوار

ياعم لاانت الدين 

ولا احنا ناس كفار

اقتل فاتباعك

 وجري جيب كاميرات

ولما تقتلنى

تقول دا كافر مات

ربك ماهوش غافل

 شايفك من السموات

ربك عارف مكرك

وكلو بالاثبات

ولاعندو شرعيه

 ولاعندو انقلابات

وكاشف الاسرار

يبقى ولاانت الدين

مرسلة بواسطة في ليست هناك تعليقات:

#ذكريات ◄ (3 يونيو)

فى الف دومه فى الشوارع

احنا اللى فات

واحنا اللى جاى

واحنا المضارع

احنا اللى قولنا خلاص كفايه

ورفعنا راية مات الكلام

احنا اللى وقت الحرب بنكون الضحايا

وانت رفعت كلمة استسلام

تقدر كمان تقتلتنى عادى

لكن هموت وانا صوتى طالع

ولما اموت هتلاقى تانى

فى الف دومه فى الشوارع

جوه السجون وعلى الحيطان

اسمى يكون عنوان مكان

عنوان هيشهد يوم عليك

لما الحصون ويا البيبان

تركع فيوم هدم الكيان

يومها هتصرخ حضرتك

تصرخ بقا ولاحد سامع

وحبسلى دومه جوه سجن 

فى الف دومه فى الشوارع
مرسلة بواسطة في ليست هناك تعليقات:

الاثنين، 22 يوليو 2013

بره الدواير



خرجت أنا بره الدواير

 وشفت نفسي من بعيد

لاقيت ظلام وليل كحيل

 من بعده فجر وجاى اكيد

شفت الكلام مابين شفايف

مكتوب بدم لميت شهيد

وسمعت صوت من شاب ثاير

كان صوت جميل بيقول نشيد

وناس ناس جوه الدواير

 بتوطى كده زى العبيد

شفت الدموع على عين اخويا

لما كان حاسس بعيد

وبعد ثورة بتيجى فكره

وبعد فكره يوم جديد

ومستحيل ننسى اللى ماتو

هوا دا بيت القصيد

هعيش حياتى حر ثاير

مش كلب مرشد عبد سيد


https://www.facebook.com/notes/eslam-ali-hassen/%D8%A8%D8%B1%D9%87-%D8%A7%D9%84%D8%AF%D9%88%D8%A7%D9%8A%D8%B1/552740768105295

مرسلة بواسطة في ليست هناك تعليقات:

الأحد، 21 يوليو 2013

اعرفه وانا معرفوش

انا معرفوش 

بس حاسس انه اخويا 

والوشوش شبه الوشوش

ايوه سامع صوت سكونه

 صوت يقولى متخافوش

مينا عايش

 مينا نبض فى الميدان

مينا مش رسمة حيطان

روحه جمبى

 اعرفه وانا معرفوش

مينا دمعة امهات

لما تفتكر اللى مات

 مينا حارس للرموش

مينا يمسح كل دمعه

مينا كان انسان بشوش

هو فكره للى جاى

هو غنوه وعزف ناى

لحن مصر ماتنساهوش

مرسلة بواسطة في ليست هناك تعليقات:

الأربعاء، 17 يوليو 2013

مينا ما مـــــــــــــــات

كل كنيسه جرسها بيضرب

شاهده وعارفه حكايتك ايه

كل جوامع مصر آدانها 

صوتها مسمع شاهده عليه

شاهده وشايفه مين القاتل

اوعى تفكر ربك غافل

مينا ما مـــــــــــــــات

مينا ضحية خوف جبانات

باعو الدم عشان الكرسي

وادو قلاده للبهوات

مينا ما مـــــــــــــــــات

مينا الجرح الفاضل فينا

صوته بيندهه م السموات

مينا ما مــــــــــــات

مينا هيفضل شمس الثوره

حلم وفكره 

عايشه لبكره 

بتفكرنا بماضى مافـــــــات

مينا ما مـــــــــــــــــــات
مرسلة بواسطة في ليست هناك تعليقات:

الأحد، 23 يونيو 2013

$$تمن الدم$$

تمن الدم بدم أكيد

وأنا مش خايف اصلى عنيد

بردو مش انت اللى تخوفينى

مانتا اساسآ لوتعرفنى

 كنت هربت من الاتباع

جيش اتباعك مش هيفيد

تمن الدم بدم اكيد

أنا طول عمرى ضد الظلم

رافض انى اعيش بخضوع

وانت توطى تبيع الحلم

حلم الثوره مفيهش ركوع

 بس مابينى وبينكم فرق

عيشتى انا حر وانتو عبيد

تمن الدم بدم اكيد

وانا مش خايف اصلى عنيد

بعد الثوره بقينا فلول

واللى يعارض يصبح كافر

بعد سنين من اكل الفول

شفت الفقراء فجوعها تعافر

ياللى اخدتو رغيف العيش

 بعد الحكم طلعتو مفيش

 واللى حاكمنا واحد مختل

كلب المرشد عبد السيد

يعشق ذله وبوس الايد

تمن الدم بدم اكيد

مرسلة بواسطة في ليست هناك تعليقات:

الأربعاء، 19 يونيو 2013

تعالو ياشهدا من تانى

ياجابر قوم وجيب مينا وجيب عفت وهاتو الجندى وتعالو

وشوفو وطنا ايه جرالو

تعالو اتحسرو ع حالو

وشيلو ترابنا من فوقكم

تعالو طالبو بحقوقكم

تعالو معانا يوم تلاتين

نشيل الطين 

نخلى بلدنا دى بساتين

ونحميها ونزرع وردكم فيها

نحط بلدنا على راسنا نعليها

ونطرد شلة الاوباش 

وننسى عهد مرسى خلاص كانو مجاش

 ونحصد زرع ثورتنا

ولاحاجه تموتنا

ولافرقه تشتتنا

نجيب حق الفقير بينا

يعيش الدنيا دى جنه

وينسى الدنيا بعبلها واحوالها 

وينسى الجوع ولا عمره يبات موجوع 

وتبقى الثوره حاجه جميله فى حياته

يعلق صورة الشهداء ويتباهى بناس ماتو

عشان هو بفرحه يعيش 

ميتزلش عشان العيش 

ويحكى علينا لعيالو

يا #جابر قوم وجيب #مينا وجيب #عفت وهاتو #الجندى وتعالو
مرسلة بواسطة في ليست هناك تعليقات:
الاشتراك في: التعليقات (Atom)