ياعم مش كفار

ياعم لاانت الدين

 ولا احنا ناس كفار

ولافايديك الجنه

 ولاغفير النار

فسيب خلاص دينى

 وقولى دينك ايه

ازاى تحلل دم

 وتقولى شرع يابيه

اللعبه مفهومه 

وبانت الادوار

وعرفنا مين خاين

ومين من الثوار

ياعم لاانت الدين 

ولا احنا ناس كفار

اقتل فاتباعك

 وجري جيب كاميرات

ولما تقتلنى

تقول دا كافر مات

ربك ماهوش غافل

 شايفك من السموات

ربك عارف مكرك

وكلو بالاثبات

ولاعندو شرعيه

 ولاعندو انقلابات

وكاشف الاسرار

يبقى ولاانت الدين

ولا احنا ناس كفار

#ذكريات ◄ (3 يونيو)

فى الف دومه فى الشوارع

احنا اللى فات

واحنا اللى جاى

واحنا المضارع

احنا اللى قولنا خلاص كفايه

ورفعنا راية مات الكلام

احنا اللى وقت الحرب بنكون الضحايا

وانت رفعت كلمة استسلام

تقدر كمان تقتلتنى عادى

لكن هموت وانا صوتى طالع

ولما اموت هتلاقى تانى

فى الف دومه فى الشوارع

جوه السجون وعلى الحيطان

اسمى يكون عنوان مكان

عنوان هيشهد يوم عليك

لما الحصون ويا البيبان

تركع فيوم هدم الكيان

يومها هتصرخ حضرتك

تصرخ بقا ولاحد سامع

وحبسلى دومه جوه سجن 

فى الف دومه فى الشوارع

بره الدواير

العامةالأصدقاءالأصدقاء باستثناء المعارفأنا فقطمخصصةالأصدقاء المقربونcaboرؤية كل القوائم...العائلة‏مجلس شباب الثورة‏‏المدون المصري‏‏شبكة نبض الخرفان‏‏مدرسة الحياه • MadraSeT El7YaH‏‏ساعد Helped them‏‏رشيد الثانويه بنين‏‏طالب ثانوى‏منطقة ‏‎Rosetta, Al Buhayrah, Egypt‎‏المعارفعودة للخلف

خرجت أنا بره الدواير

 وشفت نفسي من بعيد

لاقيت ظلام وليل كحيل

 من بعده فجر وجاى اكيد

شفت الكلام مابين شفايف

مكتوب بدم لميت شهيد

وسمعت صوت من شاب ثاير

كان صوت جميل بيقول نشيد

وناس ناس جوه الدواير

 بتوطى كده زى العبيد

شفت الدموع على عين اخويا

لما كان حاسس بعيد

وبعد ثورة بتيجى فكره

وبعد فكره يوم جديد

ومستحيل ننسى اللى ماتو

هوا دا بيت القصيد

هعيش حياتى حر ثاير

مش كلب مرشد عبد سيد

 ‏22 يوليو، 2013‏، الساعة ‏02:56 صباحاً‏

https://www.facebook.com/notes/eslam-ali-hassen/%D8%A8%D8%B1%D9%87-%D8%A7%D9%84%D8%AF%D9%88%D8%A7%D9%8A%D8%B1/552740768105295

اعرفه وانا معرفوش

انا معرفوش 

بس حاسس انه اخويا 

والوشوش شبه الوشوش

ايوه سامع صوت سكونه

 صوت يقولى متخافوش

مينا عايش

 مينا نبض فى الميدان

مينا مش رسمة حيطان

روحه جمبى

 اعرفه وانا معرفوش

مينا دمعة امهات

لما تفتكر اللى مات

 مينا حارس للرموش

مينا يمسح كل دمعه

مينا كان انسان بشوش

هو فكره للى جاى

هو غنوه وعزف ناى

لحن مصر ماتنساهوش

اعرفه وانا معرفوش

مينا ما مـــــــــــــــات

كل كنيسه جرسها بيضرب

شاهده وعارفه حكايتك ايه

كل جوامع مصر آدانها 

صوتها مسمع شاهده عليه

شاهده وشايفه مين القاتل

اوعى تفكر ربك غافل

مينا ما مـــــــــــــــات

مينا ضحية خوف جبانات

باعو الدم عشان الكرسي

وادو قلاده للبهوات

مينا ما مـــــــــــــــــات

مينا الجرح الفاضل فينا

صوته بيندهه م السموات

مينا ما مــــــــــــات

مينا هيفضل شمس الثوره

حلم وفكره 

عايشه لبكره 

بتفكرنا بماضى مافـــــــات

مينا ما مـــــــــــــــــــات