الأحد، 18 نوفمبر 2012
الخميس، 20 سبتمبر 2012
امحى ملامح ثورتى
وامحى ملامحى بسلطتك
امحى ملامح ثورتى
واكدب وقول كات ثورتك
**************************
تبقى عبيط لوتفتكر بان صورتى على الحيطــــــــــــان
صورتى فقلب اخواتى دوول وهيفتحو كل البيبـــــــــــــــان
وانت ضعيف *عامل كفيف*رافض يشوف*اصلك جبـــــــــــــــان
وسيبت دمى وروحت تجري على الكراسي واهى الكراسى غرتك
امسح بايدك رسمتى
وامحى ملامحى بسلطتك
امحى ملامح ثورتى
واكدب وقول كات ثورتك
**********************
انا علجدار ريشه وقلم
ولسه ايدى على العلم
ولسه حاسس بلالم
من طلقه غادره من سلاح اللى ظلم
وانت ياعينى تكرمو وتقوله اه مليون نعم
آه ياوطـــــــــــــــن
مليـــــــــــان عفن
نسيتو حــــق اللى اتدفن
دانا الشهيد ميت عنيد
ونشرت نورى فظلمتك
امسح بايدك رسمتى
وامحى ملامحى بسلطتك
امحى ملامح ثورتى
-
الاثنين، 27 أغسطس 2012
خروف اخوان
وجى جعان
على السلطه وجاله جنان
وشعب عبيط
وكوم تخبيط
ولعب تجاره بالاديان
وليل ونهار
وطن منهار
وسيل اخبار عن الخسران
ودنيا وين
وناس مجانين
شهيد اتخان
وام شهيد
بلبس العيد
بتبكى دموع على ولدها وكان ياما كان
وصوره وصوت
وطن مكبوت
وناس بتموت على الشطئان
فرحله موت
نهايه سكوت
وكله هروب من الاوطان
يامصر خلاص
بقالنا خلاص
يا اما بموت ياصوت عيان
وشيخ موهوم
وكان معزوم
وحلل دم شباب غلبان
وحالة خوف
وكلمه حروف
وبص وشوف دا حالنا زمان
وصحفى سجين
وكسر العين
الجمعة، 10 أغسطس 2012
انا مهاجر
انا مهاجر
انا مهاجر وسيبك يا اما وانسينى
وانسى رجوعى تانى ليكى
مانا طول عمري دايق مر
وشايف ذل بايديكى
وواهب عمري دا كلو عشان خاطرك
وماسح دمعه فعنيكى
وتيجى عليا فالاخر
عشان دمى كدا بيهون انا مهاجر
ونعمه الام يابلادى
رخيص دمى وموتى خلاص بقا عادى
ولاهمك .......ياأمى خلاص ولايهمك ....انا سايبك
هسيب بحرك واسيب نيلك واسيب رملك
هروح واهرب ويمكن اموت بعيد عنك
ولاتفرق منا ميت هنا فحضنك
ودا حقى منيش قاسى ولاكافر
يا أمى خلاص انا مهاجر
دانا عمري ماكان حلمى كدا اسيبك
دانا حبيبك
وياما كتبت شعر فاسمك الشفاف
وكنت بخاف على نيلك
واخد من عمري كل الحلم كل الحب كل العشق واديلك
لكن دلوقتى بعد ماشفت انيابك
وشفت الذل على بابك وعشت
لوحدى فعذابك
فخدت قرارى وهسافر انا مهاجر
انا مهاجر وسيبك يا اما وانسينى
وانسى رجوعى تانى ليكى
مانا طول عمري دايق مر
وشايف ذل بايديكى
وواهب عمري دا كلو عشان خاطرك
وماسح دمعه فعنيكى
وتيجى عليا فالاخر
عشان دمى كدا بيهون انا مهاجر
ونعمه الام يابلادى
رخيص دمى وموتى خلاص بقا عادى
ولاهمك .......ياأمى خلاص ولايهمك ....انا سايبك
هسيب بحرك واسيب نيلك واسيب رملك
هروح واهرب ويمكن اموت بعيد عنك
ولاتفرق منا ميت هنا فحضنك
ودا حقى منيش قاسى ولاكافر
يا أمى خلاص انا مهاجر
دانا عمري ماكان حلمى كدا اسيبك
دانا حبيبك
وياما كتبت شعر فاسمك الشفاف
وكنت بخاف على نيلك
واخد من عمري كل الحلم كل الحب كل العشق واديلك
لكن دلوقتى بعد ماشفت انيابك
وشفت الذل على بابك وعشت
لوحدى فعذابك
فخدت قرارى وهسافر انا مهاجر
الثلاثاء، 12 يونيو 2012
مقــــــــــــــــــاطعون(شفيق مرسي ماتفرقشى)
تقول موضه تقول هوجه
تسمى قراري ده خيابه
انا مقاطع شفيق مرسي
دى ناس والله كدابه
فلول مرسي جماعه شفيق متفرقشى
فانا حقى اقول رائي ومختارشي
ومش حقك ياشيخنا بدقنك الطاهره تكفرنى
ولاتيجى وباسم الدين تغيرنى وتجبرنى
ولاتجيبلى ازازة زيت وكرتونه وتنهينى وتامرنى
وتنجح تانى ع افايا
وتتكلم خلاص باسمى
وتانى يوم تدخلنى فخلاطكم وتعصرنى
عشان خاطري تسيب عرضى
ولاتذمش خلاص فيا
ياشيخنا خلاص انا مقاطع
اخدت قرارى بايديا
ومش عايز خلاص صوتى
هكمل بس بسكوتى
هجرب مره اعيش تافهه وبلموطى
واسيبلك مصر تحكمها يابمبوطى
وتقطع ايد واحد يسرق عشان ياكل رغيف العيش
وتعلى كمان على كتفى وهتوطى لقيادة الجيش
وتسكن انت جوا قصور مع الدراويش
مش انت خلاص اخدت قرار وهتكمل وترضى بلعبة الصناديق
خلاص كمل ومتعيطش هتصحى فيوم تلاقى شفيق
ولو بعديها راح تنزل على الشارع تلاقى الجيش كما الخوازيق
وترجع تانى زنزانتك واوعى فيوم تحس بضيق
ماهو انت جيبت دا كلو كدا بطمعك ورحت جريت على الكرسي
شفيق مرسي ماتفرقشى وانا من حقى مختارشى.
http://www.youtube.com/watch?v=TZwfoQobebo
الأربعاء، 28 مارس 2012
دستور ياخوانا ودستوركم!
والجهل اللى بيملى عقولكم
مش ممكن كدا يملى عقولنا
سيبو الدستور لاهله وناسه
ماتبصو وشوفو اللى جرالنا
من يوم المجلس ما اتشكل
واحنا بنضحك على احوالكم
كنتم قبله كلكو طاقه
دلوقتى ايه اللى جرالكم
لانتم عارفين تعملو حاجه
ولاعرفين تصلحو احوالنا
خدتم اصواتنا بدقونكم
واتكلمتو باسم الدين
وضحكتو علينا بكلامكم
وعلى همومنا زيدتو الطين
من يوم ما ارتحتو على الكرسى
والغاز راح ويا البنزين
وانتم قاعدين ولا هاممكو
وتقولو الدستور اولالنا
بيلكيمى وعمل العمليه علشان يعجب
والشاطر ابدا ماهو شاطر عمال يحسب
وكتاتنى بردو بيتجمل اصلو بيكدب
ولا صاحبهم مصطفى بقرى اللى قاهرنا
والجهل اللى بيملى عقولكم
مش ممكن كدا يملى عقولنا
سيبو الدستور لاهله وناسه
ماتبصو وشوفو اللى جرالنا
خدتم مصر وقلتو تكيه بالاصوات
اصوات عيانه ومبليه شيله اهات
بصو وشوفو بعد الثوره شوفو كام مات
واحنا تايهين جوه الديره وياعالم ايه يبقى مصيرنا
دستور يا اخوانا ودستوركم داماينفع ابدا دستورنا
والجهل اللى بيملى عقولكم
مش ممكن كدا يملى عقولنا
سيبو الدستور لاهله وناسه
ماتبصو وشوفو اللى جرالنا
من يوم المجلس ما اتشكل
واحنا بنضحك على احوالكم
كنتم قبله كلكو طاقه
دلوقتى ايه اللى جرالكم
لانتم عارفين تعملو حاجه
ولاعرفين تصلحو احوالنا
الاثنين، 26 مارس 2012
عفوا يامشير ....اسرائيل...... مش جيران
الكلام ده كتبته يوم احداث الهجوم على السفاره الاسرائيليه بعد مقتل 3جنود مصريين على الحدود والمشير لم يحرك ساكنا رغم اننا اعتقدنا اننا صرنا احرار بعد ثورة 25يناير ولكن للاسف المشير هو مبارك م الاخر ودم الانسان المصري والجندى خاصه مازال رخيص عن القاده للاسف ومع كل ذلك غضب المشير من ذهاب الشباب الى السفاره الاسرائيليه وانزال العلم الاسرائيلي ورفع العلم المصري مكانه عاش شباب مصر الاحرار ويسقط المشير( الحمار)
هدومو سور جواه سفاره كله شوية كلاب
طب وليه من الاساس عندنا ليهم سفاره
هوايه احنا نسينا غزه واطفال الحجاره
ضربو جيشنا على الحدود واحنا ساكتين كالنعام
واكتفينا بالسكوت بعد ماخلص الكلام
والسفاره فالعماره والكلام زى الاشاره
يامشير احمى الحدود
وخد بطار كل الجنود
يالا سيبك مالجمود
والبرود اللى قتلنا
قوم وحفز الشباب
يستعدو للجهاد
اعمل استدعى وهاتهم
للدفاع عن البلاد
خد شبابنا &خد رجالنا&خدعيالنا
وانت هتشوف النتيجه
وانتا هتشوف الحقيقه
وانت هتشوف اسرائيل مننا خايفه وكشه
واحنا اهو لسه فمكانا
قوم وسيبك مالبرود والجمود اللى قتلنا
لوانت خايف ماليهود طب احنا مالنا
لوانت بتقول دول جيران
دول جيرانك مش جيرانا
خدنا ايه من كلامكم الاظلم وجهل منكم لسه شيفسنو فوطنا
وبقانون العسكرى يجي واحد يعتقلنا
يقول مخرب اومدبر اوهرب
يبقى ايه اللى حصل ماهو حالنا............هو حالنا
عسكري ولا طؤارىء كله نيله معدش فارق
والكرامه فمصر حلم بس بنشوفو بخيالنا
فوق بقا ياعم المشير ...............................قوم وشوف اللى جرالنا
مصر هى قوضتى.........قوضه
الشعر ده سنة2006 وكان شىء بجد بحس بيه وقتها
مصر هيا قوضتى
بس قوضه ضيقه
زحمه مفيهاش الامان
ايوه قوضه فيها توهه
.والحيطان مفيهاش بيبان
. هيا قوضه ساقعه بارده
والدفا راح من زمان
وييا ناس عماله تاكل ليل نهار تسرق فقوتنا
واحنا نتفرج عليهم فرحانين هما بسكوتنا
كان مسافر كل حلمه انو يرجع بلده تانى
والنهاره بعد موته فالتراب كل الامانى
ماكنش نفسو يبقا باشا او فيوم يلبس حرير
وهى نهايه المصير
تبقى حيطه واحده فاضله هيا خوفنا وضعفنا
خوفنا من قول الحقيقه
خوفنا حتى فحلمنا
نفسى مره فواقفه واحده
وصرخه منا كلنا
نحكى فيها كل حاجه
واعتمادنا عربنا
مره نسال عن حققونا
ويعرفو ان احنا فوقنا
وبايدنا نهد قوضه ونبتدى منها طريقنا
ونبنى مصر بيت كبير
بيت يساع كل الشعوب
بيت ومليان بالسلام
بيت امان من غير حروب
بيت كبير كلوو بواب
والحواجز فيه تدوب
يبقى بيت كل البشر
نبتدى منه الدروب .
ماذا لو كنت جلعاد شليط؟
كلنا فاكرين صفقة الاسرائيلى جلعاد شليط............
دى كلمات كتبتها يومها................
جلعاد شاليط فك القيود وماشى يقول تحيا اسرائيل يحيا اليهود
ماهو اصلو عارف انهم كدا بدلوو بالف اسير
من فرحته بالخبر قرب يطير
حس انو غالى عندهم وحس انو ابن ملك واشهر امير
واهلو فرحو بالخبر فرحه ياناس ملهاش حدود
وهو يانا س ماشى يقول تحيا اسرائيل يحيا اليهود
ماهى اسرائيل عارفه ياناس قيمة الجنود
واحنا ياعالم مات لنا اربعه على الحدود
قولنا وعملنا صبنا الجمود ويا البرود
شوفو اسرائيل بدلو بالف اسير واحنا ياناس للاسف كنا الشهود
وهو حقه انو يقول تحيا اسرائيل تحيا اليهود
الحكومه الاسرائيليه تحاول ان تثبت للعالم انا الجندى او المواطن الاسرائيلى يساوى الف عربى مسلم وهذا للاسف ما نغمى اعيننا عن النظر اليه وفرحنا وهللنا الى الصفقه
الصفقه ممتازه جدا ونتقدم بالتهانى لكل الاسر الفلسطنييه ولكن السؤال ماذ تريد اسرائيل ان ترسله للعالم كله من خلال الصفقه؟
لماذا يبدلو قاتل اطفال كجلعاد شليط بالف اسير؟
ولماذا نحن عندما حدثت مشكلة الحدود وقتل اربعه من الجنود المصريين لم نحرك ساكنا وكاننا موتى واكتفى مبارك(المشير)بالشجب وانا اقصد كلمة مبارك لانه لايختلف عنه كثيرا
رغم فرحتى بخروج الف اسير الا اننى غاضب
الاشتراك في:
التعليقات (Atom)