دستور ياخوانا ودستوركم!

دستور يا اخوانا ودستوركم داماينفع ابدا دستورنا

والجهل اللى بيملى عقولكم

مش ممكن كدا يملى عقولنا

سيبو الدستور لاهله وناسه 

ماتبصو وشوفو اللى جرالنا

من يوم المجلس ما اتشكل

واحنا بنضحك على احوالكم

كنتم قبله كلكو طاقه

دلوقتى ايه اللى جرالكم

لانتم عارفين تعملو حاجه

ولاعرفين تصلحو احوالنا

دستور يا اخوانا ودستوركم داماينفع ابدا دستورنا

خدتم اصواتنا بدقونكم

واتكلمتو باسم الدين

وضحكتو علينا بكلامكم

وعلى همومنا زيدتو الطين

من يوم ما ارتحتو على الكرسى 

والغاز راح ويا البنزين

وانتم قاعدين ولا هاممكو

وتقولو الدستور اولالنا

دستور يا اخوانا ودستوركم داماينفع ابدا دستورنا

بيلكيمى وعمل العمليه علشان يعجب

والشاطر ابدا ماهو شاطر عمال يحسب

وكتاتنى بردو بيتجمل اصلو بيكدب

ولا صاحبهم  مصطفى بقرى اللى قاهرنا

دستور يا اخوانا ودستوركم داماينفع ابدا دستورنا

والجهل اللى بيملى عقولكم

مش ممكن كدا يملى عقولنا

سيبو الدستور لاهله وناسه 

ماتبصو وشوفو اللى جرالنا

دستور يا اخوانا ودستوركم داماينفع ابدا دستورنا

خدتم مصر وقلتو تكيه بالاصوات

اصوات عيانه ومبليه شيله اهات

بصو وشوفو بعد الثوره شوفو كام مات

واحنا تايهين جوه الديره وياعالم ايه يبقى مصيرنا

دستور يا اخوانا ودستوركم داماينفع ابدا دستورنا

والجهل اللى بيملى عقولكم

مش ممكن كدا يملى عقولنا

سيبو الدستور لاهله وناسه 

ماتبصو وشوفو اللى جرالنا

من يوم المجلس ما اتشكل

واحنا بنضحك على احوالكم

كنتم قبله كلكو طاقه

دلوقتى ايه اللى جرالكم

لانتم عارفين تعملو حاجه

ولاعرفين تصلحو احوالنا

دستور يا اخوانا ودستوركم داماينفع ابدا دستورنا

عفوا يامشير ....اسرائيل...... مش جيران

الكلام ده كتبته يوم احداث  الهجوم على السفاره الاسرائيليه بعد مقتل 3جنود مصريين على الحدود والمشير لم يحرك ساكنا رغم اننا اعتقدنا اننا صرنا احرار بعد ثورة 25يناير ولكن للاسف المشير هو مبارك م الاخر ودم الانسان المصري والجندى خاصه مازال  رخيص عن القاده للاسف ومع كل ذلك غضب المشير من ذهاب الشباب الى السفاره الاسرائيليه وانزال العلم الاسرائيلي ورفع العلم المصري مكانه عاش شباب مصر الاحرار ويسقط المشير( الحمار)

زعلانين ليه من الشباب همايعنى عملو ايه

 هدومو سور جواه سفاره كله شوية كلاب

طب وليه من الاساس عندنا ليهم سفاره

هوايه احنا نسينا غزه واطفال الحجاره

ضربو جيشنا على الحدود واحنا ساكتين  كالنعام

 واكتفينا بالسكوت بعد ماخلص الكلام

والسفاره فالعماره والكلام زى الاشاره

يامشير احمى الحدود

 وخد بطار كل الجنود

 يالا سيبك مالجمود

 والبرود اللى قتلنا

قوم وحفز الشباب

يستعدو للجهاد

 اعمل استدعى وهاتهم

 للدفاع عن البلاد

خد شبابنا &خد رجالنا&خدعيالنا

 وانت هتشوف النتيجه

  وانتا هتشوف الحقيقه

وانت هتشوف اسرائيل مننا خايفه وكشه

 واحنا اهو لسه فمكانا

  قوم وسيبك مالبرود والجمود اللى قتلنا

لوانت خايف ماليهود طب احنا مالنا

  لوانت بتقول دول جيران

دول جيرانك مش جيرانا

 خدنا ايه من كلامكم الاظلم وجهل منكم لسه شيفسنو فوطنا

وبقانون العسكرى يجي واحد يعتقلنا  

 يقول مخرب اومدبر اوهرب

يبقى ايه اللى حصل ماهو حالنا............هو حالنا

 عسكري ولا طؤارىء كله نيله معدش فارق

  والكرامه فمصر حلم بس بنشوفو بخيالنا    

 فوق بقا ياعم المشير ...............................قوم وشوف اللى جرالنا

مصر هى قوضتى.........قوضه

الشعر ده سنة2006 وكان شىء بجد بحس بيه وقتها

مصر هيا قوضتى

ايوه قوضه اربع حيطان

بس قوضه ضيقه

زحمه مفيهاش الامان

 ايوه قوضه فيها توهه

.والحيطان مفيهاش بيبان

. هيا قوضه ساقعه بارده

 والدفا راح من زمان

 قوضه مبنيه بهموم

 بالدخان وبالغيوم

 فيها حيطه من البطاله

 بس حيطه من حديد

 كل يوم فى خريجيين والعدد عمال يزيد

 الشباب يفضل يذاكر يبقى مليان بالطموح

 وكمان بيحلم اصلو فاكر انه هيتعيين اكيد

 بكره يجى وبعده يجى وهو قاعد عالقهواى

 والسنين عماله تجرى والطريق لسه بعيد

 والبطاله حيطه صعبه مالفولاذ من الحديد

تانى حيطه فقرنا وجوعنا وموتنا

 وييا ناس عماله تاكل ليل نهار تسرق فقوتنا

 واحنا نتفرج عليهم فرحانين هما بسكوتنا

 واللى فينا عمل شجاع

 واللى قال انا حقى ضاع ادعو عليه الجنون

 وهى دى كل حكايتنا .

 حيطه تلاته من المصير اللى مستنى الشباب

 بعد رحله من الهروب انتهيت بى للسراب

 اوغريق راجع فصندوق بعد مشوارالعذاب

 كان مسافر  كل حلمه انو يرجع بلده تانى 

والنهاره بعد موته فالتراب كل الامانى
ماكنش نفسو يبقا باشا او فيوم يلبس حرير
وهى نهايه المصير

تبقى حيطه واحده فاضله هيا خوفنا وضعفنا

خوفنا من قول الحقيقه
خوفنا حتى فحلمنا
نفسى مره فواقفه واحده
وصرخه منا كلنا
نحكى فيها كل حاجه
واعتمادنا عربنا
مره نسال عن حققونا
ويعرفو ان احنا فوقنا
وبايدنا نهد قوضه ونبتدى منها طريقنا
ونبنى مصر بيت كبير
بيت يساع كل الشعوب
بيت ومليان بالسلام
بيت امان من غير حروب
بيت كبير كلوو بواب
والحواجز فيه تدوب
يبقى بيت كل البشر
 نبتدى منه الدروب .

ماذا لو كنت جلعاد شليط؟

كلنا فاكرين صفقة الاسرائيلى جلعاد شليط............
دى كلمات كتبتها يومها................

جلعاد شاليط فك القيود وماشى يقول تحيا اسرائيل يحيا اليهود                                         

             ماهو اصلو عارف انهم كدا بدلوو بالف اسير

من فرحته بالخبر قرب يطير

حس انو غالى عندهم  وحس انو ابن ملك واشهر امير

واهلو فرحو بالخبر فرحه ياناس ملهاش حدود

وهو يانا س ماشى يقول تحيا اسرائيل يحيا اليهود

ماهى اسرائيل عارفه ياناس قيمة  الجنود

واحنا ياعالم مات لنا اربعه على الحدود

قولنا وعملنا صبنا الجمود ويا البرود

شوفو اسرائيل بدلو بالف اسير واحنا ياناس للاسف كنا الشهود

وهو حقه انو يقول تحيا اسرائيل تحيا اليهود



الحكومه الاسرائيليه تحاول ان تثبت للعالم انا الجندى او المواطن الاسرائيلى يساوى الف عربى مسلم وهذا للاسف ما نغمى اعيننا عن النظر اليه وفرحنا وهللنا الى الصفقه
الصفقه ممتازه جدا ونتقدم بالتهانى لكل الاسر الفلسطنييه ولكن السؤال ماذ تريد اسرائيل ان ترسله للعالم كله من خلال الصفقه؟
لماذا يبدلو قاتل اطفال كجلعاد شليط بالف اسير؟
ولماذا نحن عندما حدثت مشكلة الحدود وقتل اربعه من الجنود المصريين لم نحرك ساكنا وكاننا موتى  واكتفى مبارك(المشير)بالشجب  وانا اقصد كلمة مبارك لانه لايختلف عنه كثيرا
رغم فرحتى بخروج الف اسير الا اننى غاضب

ياريتها ماقامت ثوره.......

ياريتها ما قامت ثوره ولاكنا رحنا ولا جينا

ولا كنا بيتنا فالميدان ولا تعبنا نفسينا

الثوره قامت للتغير بس ياريتنا اتغيرنا

وكان مكانها فالتحرير من ظلم طاغى اتحررنا

وشيلنا فرعون  جالنا الجيش بالعسكرى يحكم فينا

ياريتها ما قامت ثوره ولاكنا رحنا ولا جينا

ولا كنا بيتنا فالميدان ولا تعبنا نفسينا

طب هو فين حق الشهيد اللى مات علشان نعيش

واهى محاكمه والتانيه والكل يجى على مفيش

ويبرجلوها وياجلوها يا اخوانا طلعتو عنينا

ياريتها ما قامت ثوره ولاكنا رحنا ولا جينا

ولا كنا بيتنا فالميدان ولا تعبنا نفسينا

واخوانا جولنا وحاطولنا حريه اه ويا عداله

 وقالو احنا اللى عاملنا وقالو احنا الرجاله

حرية ايه دى ملوخيه وعداله فلصو يا اخينا

ياريتها ما قامت ثوره ولاكنا رحنا ولا جينا

ولا كنا بيتنا فالميدان ولا تعبنا نفسينا

وتانى حزب اسمو الوسطى منشق بردو عن الاخوان

ماهو فالنهايه اخوانجى وقالو شعب غبى غلبان

يا اخوانا وسطى ووسط دا ايه ما تبطلو رقص علينا

ياريتها ما قامت ثوره ولاكنا رحنا ولا جينا

ولا كنا بيتنا فالميدان ولا تعبنا نفسينا

وشوفنا حزب شيوخ بدقون نورنا بس محيرانا

دخل سياسه جوا الدين وبيلعبو على مشاعرنا

ومفكرينا هنمشى وراهم ساكتين وهنغمى عنينا

ياريتها ما قامت ثوره ولاكنا رحنا ولا جينا

ولا كنا بيتنا فالميدان ولا تعبنا نفسينا

ذكريات ماقبل الثوره.

طبعا الكلام ده يعتبر ذكريات بس انا كتبته يوم مظاهرات 6ابريل 2008  انا عارف


 انو مش وقتها بس ياريت تقولو رايكم بصراحه (اسلام على حسن)

  امشى و اسيبك يابلدى امشى واسيبك لمين

 امشى واسيب حلم عمرى ولا حب السنين

 مش قادر اعيش وناسك عالظلم كدا ساكتين

 ايام واهى بنعيشها واهى ماشيه كدا وخلاص

   سايبين مصيرنا لغيرنا والحق بينا انداس

سايبك يابلدى وخايف اصلى هاروح على فين

 امشى و اسيبك يابلدى امشى واسيبك لمين

 الدنيا ضاقت بيا والظلم فكل شارع

                                                 

 بداءو يهدو  الكنائس بداءو يزيلو الجوامع

 وكبيرنا لوحده هايص نصرخ ولا حد سامع

                                                           
وكل ما افكر ابعد بيجبنى ليكى حنين

 امشى و اسيبك يابلدى امشى واسيبك لمين

  امشى واسيب حلم عمرى ولا حب السنين

 مش قادر اعيش وناسك عالظلم كدا ساكتين

 عارفه يابلدى وغلاوتك انا نقسى ابنى فيكى

 نفسى اعمر صحارى وازرعلك اراضيكى

  نفسى اكسر كل دمعه فقلب شباب حزين

 امشى و اسيبك يابلدى امشى واسيبك لمين

 يامصر ياام الدنيا شفنا فيكى العجايب

 قولها قتل زعيمنا وقال دا حقو غايب

  بعدين قعد ععرشك يقتل فناس تانيين

 امشى و اسيبك يابلدى امشى واسيبك لمين 

   عباره قالو السلام وقتلت ناس كتير

 وهو فشرم عايش مع خطة التغير

  والحكم فالقضيه سمعنا كلام كتير

 حقوق موتانا ضاعت ويقولو مصر بخير

 ياناس حرام عليكم ماتقلش كدا فالدين

  امشى و اسيبك يابلدى امشى واسيبك لمين

حق البمبوطى ضاع بسلاح امريكى طايش

  واهله قعدو يبكو والقاتل بينا عايش

   قاتل فرط فحقه وكتير حقوق تانيين

  امشى و اسيبك يابلدى امشى واسيبك لمين

   ياسلام على اللى كان لما قالو انو مات

 وانتشرت فالجرايد وقالو دى اشاعات

   وفجاءه ظهر بامرو بحملة اعتقالات

 اعتقلو شباب غلابه اعتقلو صحفيين

  امشى واسيبك يابلدى امشى واسيبك لمين

  الطفل فالشوارع نايم على الرصيف

  وسوزى عامله مامته تتكرم فجنيف

    وهو فجوعه نايم لكن نايم خفيف

 نايم يحلم باكله لوحتى ياناس رغيف

   يصحى يفكر فبكره بالدمع والانين 

  امشى واسيبك يابلدى امشى واسيبك لمين

  من كتر السرقه فيكى يامصر دمروكى

  العيش فطابور كبير ويا لحمه خصخاصوكى

 دول ناس عايشين ياعينى ناويين يخربوكى

 ولما نطالب بحاجه يقولو كدابيين

 امشى واسيبك يابلدى امشى واسيبك لمين

 وفيوم سته ابريل ناسك يابلدى فاقت

 وقفو وقفه برجوله ومحدش يومها ساكت

  وقفو يطلبو بحقوقهم بس حقوقهم دى ماتت

بالنار نزلو علينا وقنابلهم مسيله

 والدمع مالى عنينا ودا كلو فيوم وليله

  مسكو شباب كتير ومفيش فاليد حيله

وقالو دا ارهاب وقالو دول مجانين

 على راسهم اسراء وباتو معتقلين

 امشى واسيبك يابلدى امشى واسيبك لمين

  امشى واسيب حب عمرى ولا حلم السنين

 مش قادر اعيش وناسك عالظلم كدا ساكتين  


     

eslam cabo  تحيه للمناضله مثال البنت المصريه الانسانه  اسراء عبد الفتاح

مكاسب الثوره ولسه......

بعد ثورة الشباب لما تبقا دى المكاسب الخساير تبقا ايه

يلا بينا نحكى يلا بعد ثوره عملنا ايه

 اولكشى نحكى يلا عن مرض اسمو اعتصام

اعتصام فكل  شركه

 فكل مصنع

 فالشوارع وبنظام

واللى ماشى فمجتمعنا

 هو موال الكلام

الكلام من غير نتيجه واداشىء واخدين عليه

 لما تبقا دى المكاسب الخساير تبقا ايه

تانى حاجه من المكاسب

 هو مكسب البطاله

البطاله اللى زادت

والشباب اهى عايشه عاله

والسياحه ادمرت ويعالم امتى ترجع

حتى لبيا اتنحررت   والعمل مبقاش بينفع

رجعو منها شباب كتير

جوم يشاركو فالتغير

زودو عدد البطاله

هو دا اللى نقول عليه

لما تبقا دى المكاسب الخساير تبقا ايه

تيجى نحكى عن السلاح

عن امور البلطجه

سرقه         خطف    واغتصاب        وبالاوى مهببه

ولا نحكى عن سلاح المطاوى والسنج

 اللى شايلنها الصغار بيمشو بيها بدون حجج

فالمدارس والقهاوى

والشوارع للى غاوى

هو حالنا دا يبقا حال

هو ايه اللى احنا فيه

لما تبقا دى المكاسب الخساير تبقا ايه

 تيجى نحكى عن اللى فات

عن تجارة الممنوعات

الحشيش شبه ببلاش

والبراشيم فاانتعاش

واللى مات زى اللى عاش

واللى عاش عايش وتايه

واللى تاه مش هتلاقيه

لما تبقا دى المكاسب الخساير تبقا ايه

يلا نحكى عن الاراضى اللى كانت زراعيه

ايوه هنقول اللى كانت

قصلها دى مش قضيه

الاراضى فيوم وليله

اصبحت كردون مبانى

واللى عايز يجرى يبنى

فرصه يلا مستحيل هتيجى تانى

واللى كان عامل زراعى يبنى شقه او شليه

لما تبقا دى المكاسب الخساير تبقا ايه

                                         هى دى اهداف يناير

                                          هو ده شبابنا اللى ساير

                                            هو دا حق الشهيد

                                              اللى مات فدا الوطن

                                               هو دا الجيل الجديد

                                                 اللى هيعدى المحن

 اه ياميت مليون خساره على حالنا اللى احنا فيه

تبقا ايه