ما تخافوش
ماتخافوش
لو قالولكم مصر غرقت ما تخافوش
ماتخافوش
هما عايزينكم سكاره وماتفقوش
هما عايزين ناس غلابه
عمى ساكتين مايشوفوش
ولو يشوفو الظلم مره
يسكتو مايتكلموش
انتو بقا بالعند فيهم
اصرخو اتكلمو ومتسكتوش
ومتخافوش
اوعى حد يسيب حقوقه
اللى ياذيك ماتسبوش
وسيبكم انتو من الكلاب
اللى سابو دم الشباب
وراحو يجرو على الكراسى
وغيرو شكل الوشوش
واللى يحكى عننا
ويقول دى فوضى وبلطجه ماتسمعوش
دى بلادنا نن عينا
واحنا ليها كالرموش
فمتخافوش
مصر باقيه واحنا ماشين فالطريق فمتوهوش
مصر عايزه ناسها صاحيه فمتناموش
واللى قالك مصر رايحه فسكه صعبه انسا بقا متصدقوش
ليست هناك تعليقات:
إرسال تعليق
مدونة الشاعر اسلام على حسن