الاثنين، 22 يوليو 2013

بره الدواير



خرجت أنا بره الدواير

 وشفت نفسي من بعيد

لاقيت ظلام وليل كحيل

 من بعده فجر وجاى اكيد

شفت الكلام مابين شفايف

مكتوب بدم لميت شهيد

وسمعت صوت من شاب ثاير

كان صوت جميل بيقول نشيد

وناس ناس جوه الدواير

 بتوطى كده زى العبيد

شفت الدموع على عين اخويا

لما كان حاسس بعيد

وبعد ثورة بتيجى فكره

وبعد فكره يوم جديد

ومستحيل ننسى اللى ماتو

هوا دا بيت القصيد

هعيش حياتى حر ثاير

مش كلب مرشد عبد سيد


https://www.facebook.com/notes/eslam-ali-hassen/%D8%A8%D8%B1%D9%87-%D8%A7%D9%84%D8%AF%D9%88%D8%A7%D9%8A%D8%B1/552740768105295

مرسلة بواسطة في

ليست هناك تعليقات:

إرسال تعليق

مدونة الشاعر اسلام على حسن

الاشتراك في: تعليقات الرسالة (Atom)