حبة وشوش

حبة وشوش من ظلمها

من جهلها تقدر تقول

انا الغبا والآفترى مالى العقول

وان الحكايه ملخبطه من نفسها

واللى كتبها فصمته مات

وكتب سكات من غير قلم

وقع العلم مطلعش فوق

مبقاش يفوق مات الكلام

قطع اللجام من بدرى نام

وان البطل راح وانتهى

من ظلمها

حبت وشوش

كرهت وشوش

‫#‏مصر‬ التى كل اللى فات

دم الولد حبة عياط

يالا الطمى وصوتى

وشككى ولخبطى

جيبى القصايد شخبطى

وقطعى كل الورق

وبيعى دمى اللى اتحرق

بيعى يا أمى متندميش

انا ال ‫#‏مفيش‬

انا اللى عندى معندكيش

وانا اللى همى مهمكيش

كان نفسى اعيش

كان نفسى اكمل رسمتى

ريشتى فايدى متساويش

لون رسمها طارح سواد

والدم وسط اللوحه زاد متعيطش

فى ناس تعيش من غير وطن

وناس وطنها همها 

وناس تعيش فقلب خوف

من ظلمها