الدم عادى
الظلم عادى
المصري مصري ولاحياة لمن تنادى
كاتم لصوته
حابب سكوته
وجعان ياعينى وجيبه فاضى
قامت قيامه
وشوفنا ياما
وقالو ثوره على الاعادى
ضحكو علينا
واحنا اتكوينا
ومرسى جالنا جلاد وقاضى
طب ياخى ثوره
وصوتها عوره
خلوها وصمه وفعل ماضى
طب فين حقوقنا
وحقوق شبابنا
رخصت دمانا والكل راضى
خليك موطى
عالثوره غطى
واجرى بسرعه هات المنادى
يابلد عجايب
والحق غايب
والظلم سيد فقانون بلادى
ليست هناك تعليقات:
إرسال تعليق
مدونة الشاعر اسلام على حسن