انا الغلبان
مليش عنوان
انا جمبك فى كل مكان
انا صوتك وانا عزفك وانا الالحان
انا الطفل اللى مرمى فى عز البردمش لاقى
رغيف العيش دا هوا دائى ودوائي
ومش نفسي اكون حاكم واكون سلطان
انا عــــــــــــايز ماباتش جعان
انــاالغلبان
اهم ماعندى تشوفينى
تحنى عليا تحمينى
تضمينى بشوق وحنان
انا الغلبان
هدومى كاسيه ابدانى
وقلت آهى هدمه كسيانى
فعرونى وسحلونى
وقالو قلعت بمزاجى
وانا مزاجى اكون عريان
انا الغلبان
انا همك وانا آلمك وانا حزنك
انا شكلى مرآيا لكل اوجاعك
وانا اللى وقت ما تقعى هكون من ضمن اتباعك
وعينى عليكى طول عمرى ولاعمرى هكون غفيان
ليست هناك تعليقات:
إرسال تعليق
مدونة الشاعر اسلام على حسن