انا الحرفوش
ياشعب الدوم
انا العايش ومش مرحوم
ويجى نظام وبعده نظام
وكله كلام
وبدى تمام
وبصحى وانام
حابب بلدى وابوس ايدى على اللى مفيش
وبرضى يدوب بلقمة عيش
رغيف ملطوط وحبة فول
وادينى بعيش
ومش عايز حرير وقصور
عايش مستور يامولانا
عايشها بذل واهانه
لكن راضى بجيب فاضى
وكام ملطوش مايستهلوش
ومعرفشى حاكمنى انا مين
ولافارق
انا الغارق فبحر هموم
ومش موهوم ولامجنون
وعمرى فقير ملهش لزوم
انا #الحرفوش ياشعب الدوم
ليست هناك تعليقات:
إرسال تعليق
مدونة الشاعر اسلام على حسن