#كفايه_دم_خلاص
الدم غرق هدومى
مابقتش عارف ليه
ومصر بقت فى توهه
ومن يغيتنا يابيه
يامصر يامو العجب
ليه الولد دوستيه
وليه حللتى دمه
ومين هيبكى عليه
ياما نفسى نور الصباح يطل من تانى
بكفايه عتمه عيونكم مبقتش شيفانى
والدم دا دمى وانتى اللى هونتيه
الدم غرق هدومى مابقتش عارف ليه
يابلادى منتيش بلادى
حضنك دا معرفتوش
حاسس كانى غريب
والكدب مالى وشوش
خايف فيوم اكرهك
منا حبى ضيعتيه
الدم غرق هدومى
مابقتش عارف ليه
عامل كما المجنون
فاهم ومش فاهم
ياقطفه عمر غصون
منا اصلى مش واهم
زرعك رويه الدم
قولى هيطرح ايه
ليست هناك تعليقات:
إرسال تعليق
مدونة الشاعر اسلام على حسن